| монастыри и церкви | Данилов монастырь
 Древнейший московский монастырь был основан в 1282 г. св. благоверным князем Даниилом Московским, первый храм был посвящен преподобному Даниилу Столпнику. В 1330 г. великий князь Иоанн Калита перевел братию монастыря в Кремль, и древние его ..... ›››
Храм Троицы Живоначальной
 Храм во имя Живоначальной Троицы основан в январе 1897 г. Построена церковь по прошению местных крестьян. Деньги на строительство жертвовали и крестьяне, и заводчане, и купцы. Среди них — Петр Филиппович Копейкин-Серебряков, а также — потом ..... ››› |
| православные иконы | Пантелеймон
 Икона Святого Пантелеймона поможет каждому больному, облегчит боль. Известно, что с ее помощью лечат не только физические, но и душевные недуги. Главное, чтобы молитва была искренней, и тогда могут отступить даже неизлечимые болезни. Перед ..... ›››
Всецарица
 Икона Божией Матери «Всецарица» - почитаемая в Православной церкви икона Богородицы, находящаяся в кафоликоне афонского монастыря Ватопед.
Икона была написана в XVII веке. Образ почитается верующими чудотворным, считается, что по молитва ..... ››› |
|
Последование по исходе души от тела, читаемое мирянином
|
|
08.09.2014
Трисвятое:
Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном)
Молитва ко Пресвятой Троице
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды);
Слава Отцу и Сыну и Святому Духу”, “И ныне и присно и во веки веков. Аминь
Молитва Господня
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго
Господи, помилуй. (12 раз).
Чтение тропарей:
Со духи праведных скончавшихся душу раба Твоего, Спасе, упокой, сохраняя ю во блаженной жизни, яже у Тебе, Человеколюбче.
В покоищи Твоем, Господи: идеже вси святии Твои упокоеваются, упокой и душу раба Твоего, яко Един еси Человеколюбец.
Слава: Ты еси Бог, сошедый во ад и узы окованных разрешивый, Сам и душу раба Твоего упокой.
И ныне: Едина Чистая и Непорочная Дево, Бога без семене рождшая, моли спастися души его.
Псалом 90, Живый в помощи Вышняго
Песнь 1
Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.
Припев: Покой, Господи, душу усопшаго раба Твоего.
Отверз уста моя, Спасе, слово ми подаждь молитися, Милосерде, о ныне преставленном, да покоиши душу его, Владыко.
Припев: Покой, Господи, душу усопшаго раба Твоего.
Мертв быв плотию, Спасе, и во гробе положен с мертвыми, душу раба Твоего покой в месте злачне, яко Милосерд.
Слава: Молебный глас мой услыши, Боже Триипостасне, и учини душу преставленнаго в недрех Авраамлих, Избавителю.
И ныне: Ты, Пречистая Богородице, Егоже без искуса мужеска заченши родила еси, моли Сына Твоего подати покой рабу Твоему преставленному.
Песнь 3
Ирмос: Небеснаго круга Верхотворче Господи и Церкви Зиждителю, Ты мене утверди в любви Твоей, желаний краю, верных утверждение, Едине Человеколюбче.
В месте злачне, в месте покойне, идеже лицы святых веселятся, душу раба Твоего преставленнаго покой, Христе, Едине Милостиве.
Идеже лицы святых, тамо вчини, Владыко, послужившаго Тебе всем сердцем и воздвигшаго иго Твое на рамо свое, яко Един Владыка живота и смерти.
Слава: Небесный Отче Вседержителю, и Сыне Единородный, и Душе Святый Исходный, презри умершаго согрешения и в Церкви первенец всели его славити Тя со всеми угождшими Тебе.
И ныне: Яко Мати Святая Пресвятаго Бога, Владычице всяческих, Марие Богородице, со всеми святыми Сего моли душу упокоити раба Твоего в Небесных селениих.
Песнь 4
Ирмос: Услышах, Господи, смотрения Твоего таинство, разумех дела Твоя и прославих Твое Божество.
Сошедый в преисподняя, Христе, совоздвигл еси умершия вся, и преставльшагося от нас покой, Спасе, яко Щедр.
Никтоже без греха есть, токмо Ты Един, Владыко: сего ради преставленному и грехи остави, и в рай того всели.
Слава: Услыши, Троице Святая, гласы молебныя, приносимыя Тебе в церкви о усопшем, и Богоначальным Твоим светом озари душу, омраченную суетными привержении.
И ныне: Родила еси, Пречистая, без мужеска семене, Бога Совершенна и Человека Совершенна, вземлющаго грехи наша, Дево. Того моли, Госпоже, преставльшемуся рабу Твоему подати покой.
Песнь 5
Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.
Имый живота и смерти власть, преставленнаго от нас покой, Христе Боже. Ты бо еси всех, Спасе, Покой и Живот.
На Тя, Спасе, надежду возложь, умерый отыде от нас, Ты же, Господи, ущедри его, яко Бог Многомилостив.
Слава: Просвети нас, Трисвяте, воспеваемый Владыко, молящихся Тебе, мир Небесный прияти, и в мирных селех душу вчини, отшедшую от временных, в надежде безконечныя жизни.
И ныне: Шуияго стояния, Пречистая, избавити преставленнаго умоли Сына Твоего, Дево Госпоже, яко Спаса и Бога нашего Мати Сущая.
Песнь 6
Ирмос: Молитву пролию ко Господу, и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.
Ада испроверг, Владыко, воскресил еси умершия от века и ныне преставленнаго от нас в недро Авраамле Ты, Боже, всели, прегрешения вся отпустив, яко Милосерд.
Заповедь, юже ми дал еси, Боже, преступих и смертен бых, но Ты, Боже, сошедый во гроб и души яже от века воскресивый, не возстави мене, Владыко, на мучение, но на покой, преставленный вопиет Тебе нами, Многомилостиве.
Слава: Молим Тя, Безначальный Отче и Сыне и Душе Святый, злобою душезлобнаго мира озлобленную и к Тебе, Зиждителю, прешедшую душу во адово дно не отрини, Боже, Спасе мой.
И ныне: С небесе Христос Бог наш, яко дождь на руно, Пречистая, сниде на Тя, напаяя весь мир и изсушая вся безбожныя потоки, наводняяй всю землю разумом Своим, Приснодево, Того моли дати покой преставленному рабу Твоему.
Кондак, глас 8
Со святыми упокой, Христе, душу раба Твоего, идеже несть болезнь, ни печаль, ни воздыхание, но жизнь безконечная.
Икос
Сам Един еси Безсмертный, сотворивый и создавый человека: земнии убо от земли создахомся и в землю туюжде пойдем, якоже повелел еси, Создавый мя, и рекий ми: яко земля еси и в землю отыдеши, аможе вси человецы пойдем, надгробное рыдание творяще песнь: аллилуиа, аллилуиа, аллилуиа.
Песнь 7
Ирмос: От Иудеи дошедше отроцы, в Вавилоне иногда, верою Троическою пламень пещный попраша, поюще: отцев Боже, благословен еси.
Владыко Христе Боже, егда хощеши судити миру, пощади душу раба Твоего, егоже от нас приял еси, вопиющаго: отцев наших Боже, благословен еси.
В пищи райстей, идеже праведных души веселятся послуживших Тебе, причти с ними, Христе, душу раба Твоего, воспевшаго: отец наших Боже, благословен еси.
Слава: Иудейския три отроки спасый во огни, в триех лицех воспетый, избави огня вечнаго усопшаго, воспевшаго Ти верно: отец наших Боже, благословен еси.
И ныне: Исаиа Тя Жезл нарече, Чистая, Даниил же Гору Несекомую, Иезекииль же Дверь, из Неяже пройде Христос, мы же Тя, Истинную Богородицу именующе, величаем.
Песнь 8
Ирмос: Седмерицею пещь, халдейский мучитель, богочестивым неистовно разжже, силою же лучшею спасены сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.
Скончав течение и к Тебе прибегох, Господи, преставленный вопиет ныне: прегрешения остави, Христе Боже, и не осуди мене, егда хощеши судити всем, верно бо Тебе взывах: вся дела Господня, Господа пойте и превозносите Его во веки.
Понесшаго, Владыко, иго Твое на раме Своем, и бремя Твое легкое, аще и не всегда, обаче в месте преподобных Твоих всели душу его, воспевшаго Тебе, Христе Спасе: отроцы, благословите, священницы, воспойте, людие, превозносите Его во веки.
Благословим Отца и Сына и Святаго Духа Господа.
Безначальная Троице Святая, Боже Отче и Сыне и Душе Святый, в лице святых причти душу преставленнаго раба Твоего и огня вечнаго избави, да Тя хвалит, воспевая во веки: отроцы, благословите, священницы, воспойте, людие, превозносите Его во веки.
И ныне: Тя, Дево, пророчестии лицы прорекоша, прозряще бо Тя прозорливыма очима: ов убо Жезл нарече Тя, ин же Дверь Восточную, ов же Гору человеки Несекомую. Мы же исповедуем Тя воистинну Богородицу, Бога всяческих рождшую, Егоже моли упокоити преставленнаго во веки вся.
Песнь 9
Ирмос: Ужасеся о сем небо, и земли удивишася концы, яко Бог явися человеком плотски, и чрево Твое бысть пространнейшее Небес. Тем Тя, Богородицу, Ангелов и человек чиноначалия величают.
Иисусе Боже мой, Спасе, Адамле Ты взял еси преступление и смерти вкусил еси, да человеки от нея свободиши, Милосерде. Темже молим Тя, Милостиве: преставленнаго покой, яко Благ, во дворех святых Твоих, яко Един Всеблагий и Милосердый.
Несть никтоже, Милосерде, иже не согреши в человецех, токмо Ты Един, Иисусе Христе, вземляй грехи всего мира. Темже, очистив раба Твоего от прегрешений, вчини во святых Твоих дворех: Ты бо Живот еси и Покой, и Свет, и Веселие всех Тебе благоугодивших.
Слава: Удивися все естество человеческое, како Безначальнаго Отца Сын cый Единородный, плоть от Девы действом Святаго Духа приял еси, и пострадал еси яко человек, да умершия оживиши. Тем и преставленнаго ныне от нас, прилежно молим Тя, во стране живых, яко Благ, всели.
И ныне: Невесту Тя нарицаем, Пречистая, Отца невидимаго и Матерь Сына из Тебе Духом Святым воплощеннаго, и Молебницу Тя о усопшем рабе Твоем, предлагаем: Тебе бо Помощницу имамы земнии, и любовию поюще Тя величаем.
Достойно есть: Трисвятое. По Отче наш:
Тропарь, глас 6
Един естеством сый Животворец, Христе, и благости воистинну неизследимая пучина, ныне преставльшагося раба Твоего Царствия Твоего сподоби: Ты бо Един еси имеяй множество щедрот и безсмертие.
Слава, и ныне, Богородичен: Источник живота рождшая, Владычице, Избавителя миру Иисуса Господа, Того прилежно моли безконечнаго живота преставльшагося ныне раба Твоего сподобити: Ты бо христиан Едина еси известнейшая Помощница.
Господи, помилуй (12).
И молитву сию:
Помяни, Господи Боже наш, в вере и надежде живота вечнаго преставльшагося раба Твоего, брата нашего (имярек), и яко Благ и Человеколюбец, отпущаяй грехи, и потребляяй неправды, ослаби, остави и прости вся вольная его согрешения и невольная, избави его вечныя муки и огня геенскаго, и даруй ему причастие и наслаждение вечных Твоих благих, уготованных любящим Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго, верова, и Единицу в Троице и Троицу во Единстве, православно даже до последняго своего издыхания исповеда.
Темже милостив тому буди, и веру, яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем Отцу и Сыну и Святому Духу, ныне и присно, и во веки веков.
(также эту молитву читают после каждой Славы при последующем чтении Псалтири).
Акафист за единоумершую Канон за единоумершую Молитва об Упокоении
источник: SaveOurSouls.ru
найдено статей: 128
|
|
| духовенство | Протоиерей Андрей Гусев
 Серафимо-Знаменский скит, с. Битягово, Домодедовский район
Светское образование: среднее специальное 1989 – ПТУ
Духовное образование: семинария 2002 – КДС
Хиротонисан: 15 ноября 1998 года архиепископом Можайским Григорием
День тезоиме ..... ›››
Протоиерей Сергий Дворецкий
 Настоятель Храма Богоявления Господня в селе Бисерово.
Светское образование: высшее 1972; МАМИ.
Духовное образование: семинария 2013-КПДС.
Хиротонисан: 29 августа 1991 года митрополитом Крутицким и Коломенским Ювеналием в Новодевичьем ..... ››› |
| религиозные праздники | Вознесение Господне
 Вознесение Господне отмечается в 40-й день по Пасхе, в честь вознесения Иисуса Христа во плоти на небо и обещания о Его втором пришествии. Афанасий Великий объясняет, что вознесение Спасителя означает обожение Его человеческой природы, кото ..... ›››
Сретение Господне
 Сретение Господне - христианский праздник, посвященный воспоминанию событий, происшедших в сороковой день земной жизни Иисуса Христа, а именно встрече (слав. Сретение) Божественного Младенца в Иерусалимском Храме двумя ветхозаветными правед ..... ››› |
| молитвы и акафисты | Молитвы к причастию и исповеди
 Подготовка к Причастию включает в себя пост, молитву и покаяние в грехах. Пост — это отказ как от пищи животного происхождения (мяса, молока, яиц, при строгом посте — и рыбы), так и от разного рода развлечений (просмотров фильмов, телеперед ..... ›››
Вечерние молитвы
 утренние молитвы здесь
Во имя Отца, и Сына, и Святаго Духа. Аминь.
Затем немного подожди, пока все чувства твои не придут в тишину и мысли твои не оставят все земное, и тогда произноси следующие молитвы, без поспешности и со вниманием ..... ››› |
|